هام للمقبلين على الجامعة (استهلك بلا متهلك,في سبيل لله) - منقول

-->

السلام او عليكم

كلامي موجه للطلاب الجدد في الجامعات,
في هدا الموضوع ساتحدت لكم عن تجربي الجامعية,الاخطاء التي ارتكبتها,الاجابيات,السلبيات..
السنة الفارطة حصلت على بكالوريا علوم فزيائية مع الاسف لم استطع ان التحق باية مدرسة مع انني كنت قريب من الالتحاق بعدة مدارس(لا اتوفق في الشفوي)

قبل بداية الحديت اود ان انبهكم انني ادرس فيكلية العلوم بالرباط(كما يقال فهي احسن جامعة في المغرب يعني ستكونالضروف اسوأبباقي الجامعات)

ابدا كلامي مع بداية اول يوم لي في الجامعة,تدخل لتجد المدير في قاعة كبيرة  يلقي خطاب بمناسبة السنة الجديدة يشرح فيه العديد من الميكانيزمات الخاصة بالجامعة (انصحكم بالاستماع اليه لكي تفهمو بعض القوانين الخاصة بالجامعة)
ملحوظة :الندوة باللغة الفرنسية
كما يعلم الكل فالشغل الشاغل لبعض الطلبة هو اللغةالفرنسية فالكتير يخاف ان لا يستطيع المسايرة,في الحقيقة انا اقول لكم و الله ليست الفرنسية ما يجب القلق بشانه(تابع"ي" لكلامي لتفهم"ي")في اول حصة تبدأ الدراسة(منقسمة لتلات اقسام(الدروسcours,التمارينTD,التطبيقTP)) و السير العادي للدروس(نساو عليا ديك القضة ديال اسبوع التعارف وللا..) على كل ستدخل لقاعة كبيرة(amphi) سيكون فيه نحو300 طالب (عدد الطلبة سيصبح بين40,60,80 بعد استاناس الطلبة مع جو الجامعة(بنادم غادي يبدا يعصر او بزاف ديال الناس مكيحضروش للدروس,او هنا كيبانو صحابbuvette  او صحاب الرامي او لي عاد كتجيهوم  المراهقة ديال الكارو...)

ف amphiستلاحض انه ينقسم الى تلات انواع من التلاميذ
واحد20 عاطينها غير للقراية او ديما كيكونو كالسين القدام (انا شخصيا كانو كيحيروني مكنعرفهومش معاياش كيدخلو ديما كنلقاهوم شادين بلاصيهوم)
الاغلبية كتكون كالسة الوسط(منهم عبد ربه الدي يخاطبكم) هاد الناس كيقراو شويا او يهدرو بزاف (الاغلبية فيهوم كتلقاه كالس هو او صاحبتو)
كاين النوع التالت هو العصايرية ديال بصح كيكلسو للور لكي تسهل عليهم عملية الخروج من القاعة(لك كامل الحرية فالقاعة اشبه بالكوري دخل وقتما بغيتي او خرج وقتما بغيتي)

بالنسبة للاساتدة فهناك من يستعمل مكبر الصوت و هناك من لا يستعمله(انا افضل الاستادة الدي لا يستعمله لان المكبر يسبب الضوضاء لكن ادا كانت القاعة فيها الكتير من الطلبة فالاستادة تكون مجبرة على استعماله) ,كاين لي كيشرح مزيان او كاين لي مكيشرح تا وزة يعني خاصك تشوف الاستاد لي مزيان او بقا دخل عندو(ماشي بالضروره دخل عند الاساتدة ديالك)
هذا فيما يخص الشكليات نمر للاساسيات:اول درس ستحضر سترى استادة يتكلم بلغة غريبة ههه لا تقلقل يلزم دقط شهر او شهر و نصف لكي تتاقلممع المصطلحات العلمية حتى الدين لديهم مستوى عادي جدا في الفرنسية فسيسطعون التاقلم(لهدا قلت الفرنسية ليست ما يجب القلق بشانه)
المهم فلافاكمكاين لا مقرر ولا هم يحزنون الدروس كيكونو عند المكتبة لي فلافاك او كتشريهوم من تما

المشكل ان الاستادة(البعض) مكيحطش الدرس فالمكتبة تا كيسالي الشرح ديال مجزوئة من الدرس داك الشي علاش خاصك تبقا تكتب منين يكون الاستاذ كيشرح(كتب غير الاساسيات لي مهمة او خاصك تعقل عليها) لانك داك الشي غادي تحتاجو باش تصايب التمارين ديال

TD

يتبع

السلام او عليكم,لنبدأ على بركة الله

توقفت ليلة امس عندles cours و اهمية كتابة النقاط الاساسية عندما يشرح الاستاذ هناك من يقول ساصور بالهاتف,ساسجل كلام الاستاذ..و الله بالنسبة لي هذا ليس مهم فاغلبية الاساتدة يتركون لك الوقت لكي تقوم بنقل النقاط الاساسية و البعض الاخر منهم لا يعتمد على الصبورة لان الدرس لديه يكون عبارة عنfichier word اوpower point لدلك يجب ان تحضر معكclé usbعندما ينهي الدرس اطلب منه ان تنقل الدرس لusbديالك(هناك استاد سيوافق و الاخر لن يوافق,حسب الاستاذ) لهذا اؤكد ان يجباحضار دفتر للكتابة عندما يشرح الاستاذ(النقاط الاساسية لا غير) المهم بعد الكتابة غادي ترجع للدار اول حاجة غادي ديرها  هي تشوف وقتاش غادي يكون عنداكTD ديال ديك المادة لي دخلتي عندها متلا انا اليوم دخلتmécanique du point  غادي نرجع للدار غادي نشوف استعمال الزمان(استعمال الزمان بالنسبة لي له حكاية خاصة,ساشرح لكم في قادم الاسطر) المهم منين غادي نشوف استعمال الزمان غادي  نلقا التوقيت و اليوم الدي عندي فيهTDديالmécanique du point (و هي حصة خاصة بالتمارين ساتحدت عنها بالتفصيل في قادم الاسطر)
متلا اليوم التلاتاء اوTDعندي الخميس ادن يوم الاربعاء بالليل غادي نقرا دوك النقاط الاساسية فالدرس لي كتبتهوم او غادي نحاول نقلب فالانترنيت لا مفهمتش شي حاجة حيت فالصارحة الانترنيت هو لي غادي يفيدكوم باش تفهمو بزاف ديال الحوايج

هدا فيما يخص كتابة النقاط الاساسية من الدرس,دابا نهدرو على الدرس كامل,الاستادة منين غادي يسالي chapitre غادي يكوليكوم لي بغا (متلا chapitre II ) را كاينة فالمكتبة(بطبيعة الحال المكتبة ديال لافاك,غادي تمشي  تكوليها عطينيcours ديالMr..x او غادي تجبدو ليك,لا لا ماشي فابور غير تهنا و لكن التمن تقريبا لا غلا كيوسل8DH  او الرخيص 2dh-3dh )
من الضروري جداً تاخود الدرس او تقراه مزيان او تشرح المصطلحات الصعبة او تعقل عليها حيت  غادي تبقا تعاود بزاف(بالنسبة للناس لي معندهومش مع الفرنسية هنا كتولي بحالك بحال لي كانو كيطيرو فالفرونسي فالتانوي,لمادا?لان المصطلحات المستعملة هي مصطلحات علمية محضة او كتكون جديدة على الطلبة او فنفس الوقت كتكون مصطلحات لي كنا كنسمعو بيها فالتانوي من عند الاساتدة لي مرا مرا كيهدرو بالفرنسية,لهذا قلت لكم ان الفرنسية ليست ما يجب القلق بشانه)

دابا كولشي غادي يبدا يكول وما الدي يجب القلق بشانه,في الحقيقة هي الدروس و التمارين(الدرس لا درتيه سير للدار او قراه او حاول تفهمو,التمرين لا درتيه سير للدار او عاودهوم بعض المرات كيكونو شي تمارين معقدين (من داك النوع لي خاصك تحفضهوم او غادي تحفضهوم حيت غادي يحطوه ليك فالامتحان من غير لا كان عنداك الزهر,ولا لا كان التمرين طوييييل بزاف)راه فلافاك مكاينش لي غادي يكوليك قرا ولا تبع ولا راجع ولا خدم..نتا خاصك تزير راسك او تساير راسك او تعرفالهدف ديالك من الفياق فالصباح بكري او كتم جاي فالشتا او البردراه الهدف هو الدراسة وا قرا علا راسك قرا لي ينفعك
اضن ان الطريقة التي دكرتها هي السبيل الوحيد للفلاح و الله اعلم

حاجة اخرى كلشي كيتزرف فيها و هي انه كيضن ان لافاك كيمشيو ليها غير الكوسالا(جيبين فالباك10,11,12 او مكيقراوش مزيان)لا ا سيدي(لالة) راهفلافاك كولشي كيولي بحال بحال او فيها يطبق متال (من جد وجد و من زرع حصد)مكينش اناكنت قراي او لاخور كان كاسلو لي قرا كيجيب(كيجيب يعني12,13,14,11 او مع الاسف شي اساتذة الله يهديهم كيتعداو علينا يعني تعيا ما تخدم او تجيب10,11 و لكن هاد الاساتدة را قلال يعني يـمكن ليك تجيب او را12,13 نقط مزيانة بالنسبة لافاك حيت باش غادي يتعلقو النقاط ديال الامتحان غادي يبان ليك غير0,1 او2 كيتشايرو او قليل لي كيجيب12,13 اوناذر لي كيفوت14) او باش تجيب مزيان زير راسك او تبع الطريقة لي كلت ليك

حاجة اخيرة بالنسبة للدروس,هل يمكن الاعتماد على الانترنيت (يعني يلقا الدرس واجد فالانترنيت او منين يمشيamphi ميكتبش)يا اخيالانترنيت مجرد مكمل و ما تتلقاه في القاعة هو الاهم و الدروس المتوفرة في الانترنيت اغلبها تكونموجهة للاقسام التحضيرية(يعني بالنسبة للناس ديال لافاك كتكون زايدة شي حاجة ولا ناقسة حاجة,كاين لي غادي يكولاش جابنا حنا للاقسام التحضيريةههه,راهالمستوى ديال لافاك عالٍ او نسا عليك داك الشي ديال التناوي لا كان القسم ناقس المستوى  ديالو الاستاد كيحط امتحان سهل لا دابا فلافاك مكاينش داك الشي حيت لافاك كاملة كدوز نفس الامتحان) لهذا خاص تكتب فالقسم او اعتمد علىالانترنيت كمكمل

في اطار الدروس دائما او فلافاك من الضروري غادي تعارف علا ناس جداد,الاعلبية ديالهوم كيكونو كيقراو معكاك f sectionاو غادي تعرف عليهوم فgroupe حيت فcoursكدخلsection كاملة او كيكون بنادم بزاف(section,groupeهههه دختي اش هاد الشي عوتاني هههه المهم الطلبة مقسمين لdes sections كو مقسمة لdes groupes او التقسيم علا حساب الحروف الهجائية متلا لي سميتو كتبقا بA راه غادي يكون section A,groupe A01
 يعني نتا او صاحبك تقدو تكونو فنسفsection و لكن ماشي نفس الgroupe و لكن راه واخا ميكونش معاك يمكن يبقا يقرا معاك او مكينش لي يكوليه شي حاجة عادي جداً حيت اصلان مكاين لا غياب لا والو كاين واحد الائحة كدوز او كيكتبو فيها الطلبة الاسماء ديالهوم و لكن هاديكماشي ديال الغياب غير لا جاب الله طرات شي حاجة هاديك اللائحة كتكون اتبات انك كنتي في القسم داك الوقت هادا ما كاين

حاجة واحداخرا علا الصحاب خاصك تمشي مع الناس لي باغا تقرا او بعد من لي ماباغيش يقرا (انا شخصيا فالقاعة كنت كنكلس مع لي باغيين يقراو او فالزنقة ولاbuvette كنكون مع العصايرية باش نضحك شوية او نفوج علا راسي و لكن را وقت الضحك كنضحك او القراية كنقرا مكينش التفلية)

يتبع

TD=Travaux dirigés

المهم بعد ما دكرنا تقريبا كل شئ بخصوص الدروس غادي ندوزو لما هو اهم من الدروس و هوTD الدي سيمكنك من الفهم الجيد للدرس

عنداك 8 ديال المواد 4 modules ,chaque module se compose de 2 matières او كل مادة عندهاprof ديالها (الاستاد ديالcours ماشي هو الاستاد ديال TD,او كاين الاستاد لي كتلقاه كيشرح مزيان او كاين الاستاذ لي غير كيخربق او ماغادي تفهم عندو والو)خاصك ضروري تسول على الاستاد لي كيشرح مزيان او بقا دخل عندو واخا ميكونش استاذ ديالك ماشي مشكيل لا دخلتي عندو حيت لا مافهمتيش را ماعادي دير والو فالامتحان(راه كيحطو الامتحان كيتخدم تقريبا بنفس الطرق لي خدمتي بيهوم ف TD)

لي درتيه فالقسم ضروري تفهمو او تعاودو فالدار او قلب فالانترين على تمارين او خدمهوم او منين يقرب الامتحان عاودTD او عقل عليه مزيان او حيد من بالك ديك القضية ديال هاد التمرين معقد ماغاديش يحطوه را كولشي غادي يتحط

 او اخر حاجة ممنوع الغياب فTD لا غيبتي غادي ضر غير راسك

 هدا فيما يخصTD بالنسب ل

TP(travaux pratique)tp

TPكيمتل من النقطة الكلية للمادة 25% غادي يكون عندكوم فجوج مواد(thermo et mécanique)en s1) المهم غادي يخصك تركز فيه مزيان حيت لا درتيه ماغاديش تعاودو او غادي يكولو ليك ديرو فالامتحان غادي دير التجربة راسك ماغادي يعاونك حد يعني خاصك تبع مزيان فالحصة ديال tp

بالنسبة داك الشي ديال دخل عند استاذ ماشي ديالك لا راه ماكينش فtp فtp غادي دخل عند الاستاذ ديالك لا غير
 

استعمال الزمان

انا فالحقيقة عطاوني واحد استعمال الزمان و لكن من بعد واحد الشهر درت واحد استعمال الزمان ديالي خاص:شفت الاستادة لي كيقريو مزيان او شفت التوقيت لي كيقريو فيه او وازنت داك الشي او قاديتو او بديت كندخل عندهوم متلا كان عندي واحد استاد ديالalgèbre عيااااان مكيشرح والو فالامتحان الاول جبت10 او فالامتحان التاني جبت14 7it bdlt l prof (راه نسا عليك داك الشي ديال التانوي را كاع الامتحانات محسوبة عندك2 امتحانات فالدورة اوالاستاد مكيديرش زوين يعني ماغاديش يزيدك من غير لا كنتي جاب9,5 او بغيتي يوصلها ليك ل10 غيادي ترغبو او يقد يبغي او حاجة واحداخرا لا كنتي كتعرف الاستاد يقد يدير معاك زوين )فالكلية كيبانو العاهراتشحال من واحدة كتبان ليا كتبحلس على الاستاد باش t validé(لي جاب 10عندوélément validé او لي جاب قلélément non-validé ) كاين شي اساتدة الله يهديهوم كيديو البنات للدار او...هاد الشي راه جاري به العمل فلافاك نصيحة للبنت لي باغى شرفها قراي مزيان او متحاوليش تبني اي علاقة مع الاستاد(انا شفت اساتدة كيخرجو مع البنات,انا هاد الشي را عشتو او تعايشت معاه) او كانت عندي علاقات وتيقة مع البنات لي كيمشيو مع الاساتدة او كولشي كيدوز لي فراسي كاين شي اساتدة وليت كنحتقرهم او كين شي اساتدة مبقاوش كيحملوني حيت كيشوفونو مع البنات بزاف,ولا كيجي عند البنت كيكوليها شكون هاداك لي كتكونو معاه..
الله نصيحة لكل فتاة لا تبني اي علاقة مع استادة مهما كانت لانه الاساتدة ديال لافاك (ماشي كلشي بالطبع شي وحدين)كتجيهوم مراهقة متاخرة

اخر ما يمكن نهدرو عليه هوvalidation
ايélément جبتي فيه10 فما فوق راهvalidé و العكس صحيح

لا جمعتي النقطة ديال 4 ديالles modules او لقيتي فوق10 راه عندكsemestre validé واخا يكون عندك شي النقطة ديال un module قل من10 ماشي مشكل

اخر ما يمكن نكول ليكوم هو الدراسة تم الدراسة او بعدو من التصاحيب حيت هو المساند الاول للفشل الدراسي قيلو عليكوم السهرات بعدو من البلية او قراو مزيان او لعب علىmention(12 ou plus) لان فلافاك لا مكانتشmention را تقريبا مكاين والو
عندك5 سنين باش ضمن حياة مزيانة مضايعش الوقت باش متخسرش حياتك الله يسهل عليكوم ا خوتا او يسهل علينا تا حنا الله يسهل على الجميع ان شاء الله